Afiliacións á seguridade social segundo o concello de residencia do afiliado [Municipal]

Ao remate de 2016 (cuarto trimestre), as afiliacións municipais subían en taxa interanual en 53 concellos da provincia, dous menos que no trimestre anterior, mentres que se mantiñan sen variación en seis (Lobeira, Boborás, Vilar de Santos, A Peroxa, Avión e A Veiga) e diminuían en 33, tres menos que ao final do terceiro trimestre. Esta evolución ratifica a clara melloría do mercado laboral ourensán na segunda metade do ano. Así, en seis meses o número de municipios xeradores de emprego neto pasou de 36 a 53.
Os concellos que pechan o ano con máis forte recuperación son doce nos que o ritmo interanual de creación neta de emprego supera o 5%. Trátase, por orde decreciente, de Baltar (incremento do 14,5% nas afiliacións no acumulado de 2016), San Xoán de Río (10,4%), Petín (9,9%), Vilariño de Conso (8,5%), Entrimo (8,1%), Castrelo de Val (6,7%), Porqueira (6,1%), Carballeda de Avia (5,7%), Muiños (5,5%), Melón (5,4%), San Cibrao das Viñas (5,2%) e Punxín (5,2%).
Entre as cabeceiras de comarca, todas impulsaron emprego neto no acumulado de 2016, coa salvedade de Bande, que rexistrou un descenso do 1,2% nas afiliacións en taxa interanual. As subidas máis fortes entre as cabeceiras déronse en Pobra de Trives (4%), O Carballiño (3,1%), Viana do Bolo (3%), Celanova (2,8%), O Barco de Valdeorras (1,9%), Allariz (1,6%) e no municipio de Ourense (1,5%).
Polo contrario, a peor evolución interanual das afiliacións tivo lugar, cos datos do cuarto trimestre, en Vilar de Barrio (-9,2%), Leiro (-7,3%), Xunqueira de Espadañedo (-6,8%), A Teixeira (-6,7%), Arnoia (-4,4%), San Amaro (-4,3%) e Castrelo de Miño (-4,1%).

Selecciónese na lista os concellos dos que se queren coñecer datos

Número de afiliacións á Seguridade Social segundo o concello de residencia do afiliado

Fonte: IGE
Fecha de Consulta 30/03/2017