Afiliacións á seguridade social segundo o concello de residencia do afiliado [Municipal]

En taxa interanual, no terceiro trimestre de 2017 sitúase en 43 o número de municipios da provincia nos que suben as afiliacións en taxa interanual. Son catro menos que no trimestre anterior e cinco menos que no arranque do ano. En sete municipios mantense invariable a cifra de afiliacións, e no resto, 42 (idéntico número que hai tres meses), existe perda de emprego neto. Un dato preocupante que identifica o Observatorio Económico e que a hexemonía de concellos con incremento das afiliacións xa é exclusiva da comarca de Ourense, con 9 municipios creando emprego e tres diminuindo a cifra, e de Allariz-Maceda (4 con alza das afiliacións e 2 con baixada). Os maiores desequilibrios localízanse no Ribeiro e en Valdeorras, en ambos casos cun só municipio (Cenlle e A Veiga, respectivamente) con creación neta de emprego no acumulado a doce meses.
O ránking dos municipios que están a liderar a creación de emprego neto en taxa interanual (datos do terceiro trimestre de 2017) está encabezado por Xinzo de Limia (incremento do 5,42%), Ramirás (5,41%), Nogueira de Ramuin (5,30%), Barbadás (4,58%), Bande (4,57%) e Paderne de Allariz (4,45%). Son os únicos que logran sobrepasar a barreira do 4%. O máis salientable é que dous deles son cabeceiras comarcais e un -Barbadás- forma parte da área metropolitana de Ourense. No outro ránking, o da perda de afiliados, os peores rexistros son para O Bolo (-9,95%), Castrelo de Miño (-9,11%), Vilar de Barrio (-7,81%), Chandrexa de Queixa (-7,20%), Melón (-5,88%), Vilamartín de Valdeorras (-5,59%), A Peroxa (-5,52%) e Padrenda (-4,66%).
Entre as cabeceiras de comarca, catro delas ceden afiliacións: Ribadavia (-2,09%), O Barco de Valdeorras (-1,42%), Celanova (-1,33%) e Castro Caldelas (-0,45%). O dato máis preocupante é a contracción do mercado de traballo no Barco de Valdeorras, un dos tres motores locais de emprego, xunto con Ourense e O Carballiño. Mentres, os incrementos oscilan entre o 0,22% de Viana e o 5,42 de Xinzo de Limia. Tamén son salientables o repunte do 4,57% en Bande, do 3,24% en Pobra de Trives, do 3,02% no Carballiño e de preto do 2% en Ourense e en Allariz.
Como dato moi positivo, únicamente sete municipios perden afiliados na comparativa co trimestre anterior, cando en xuño esa cifra era de 24 concellos. Os únicos descensos intertrimestrais déronse na Peroxa (baixada de 12 afiliacións no terceitro trimestre), Chandrexa de Queixa (6), Lobeira (4), Piñor (4), Punxín (3), Baños de Molgas (2) e Nogueira de Ramuin (1).

.

Selecciónese na lista os concellos dos que se queren coñecer datos

Número de afiliacións á Seguridade Social segundo o concello de residencia do afiliado

Fonte: IGE
Fecha de Consulta 23/11/2017